Өвлийн дизель түлшний нийлүүлэлт эхэлж, олон улсын зах зээлд тонн тутмын үнэ нь ойролцоогоор 20 хувиар өссөнтэй холбоотойгоор дотоодын дизель түлшний үнэ нэмэгдэх нөхцөл үүсжээ. Харин үнийн өсөлтийг аль болох бага байлгахын тулд холбогдох байгууллагууд хамтран ажиллаж, шатахууны нийлүүлэлт, борлуулалтад хяналт тавин ажиллаж байгаа талаар АҮЭБЯ-наас мэдээлэл өглөө.

Шатахууны түгээлтийг 24 цагаар тасралтгүй зохион байгуулж байна

АҮЭБЯ-ны Газрын дарга Ч.Хишигдалай: Энэ сарын 21-нийг хүртэл Монгол Улсад нийт 42,334 тонн АИ-92 автобензин импортоор орж ирсэн. Зөвхөн энэ сарын 21-нд гэхэд 1620 тонн автобензин импортолсон. Одоогоор нийт 57 вагон буюу 3420 тонн АИ-92 автобензин байгаа бөгөөд үүнээс 55 вагон буюу 3300 тонныг буух өртөөнд агуулахуудад буулгаж байна. Улсын хэмжээнд АИ-92 автобензиний 10, АИ-95 бензиний 13, дизель түлшний 28, онгоцны түлшний 36 хоногийн нөөцтэй байна. Шатахууны түгээлтийг 24 цагаар тасралтгүй зохион байгуулж байгаа. Аравдугаар сард өвлийн дизель түлшний нийлүүлэлт эхэлдэг. Өөрөөр хэлбэл, дизель түлшний улирлын төрөл солигдохтой холбоотойгоор үнэд тодорхой хэмжээний өөрчлөлт гардаг.

Үнийн өсөлтийг бага байлгахын тулд бүх талууд хамтран ажиллаж байна