Манай улсын 2026 оны төсвийн орлого оны эхний долоон сарын байдлаар 2.4 их наядаар тасарчээ. Үүний тал нь өмнөх оны төсөв тасарч 2026 онд төлөгдөх татвараас нэг их наяд гаруй төгрөг авч төсвийн тасралтыг нөхсөн дүн бол үлдсэн нь энэ онд бүрдээгүй тасалдал юм. Хэрвээ энэ байдлаараа үргэлжилбэл оны төсгөлд төсөв бүрдүүлэлт үүнээс ихээр тасрах эрсдэлтэй байгаа.
2026 оны нэгдсэн төсвийн орлогыг 31.9 их наяд, харин нийт зарлагыг 32.9 их наяд байхаар баталсан. Нэг 1 их наядын алдагдалтай төсөв баталсан. Үүн дээр нэмэгдээд 2.4 их наядаар төсөв бүрдүүлэлт тасарсан гэсэн үг.
Энэ оны төсөв баталснаас хойш багш нарын цалинг 2 удаа, эмч нарын цалинг 1 удаа нэмэх цалингийн нэмэгдэл нь төсөвт дарамт болсон. Өчигдөр Засгийн газар 2026 оны төсөвт тодотгол хийх хуулийн төслийг өргөн барьсан ч төсвийн тасалдлыг хэрхэн нөхөх талаар тусгаагүй. Харин 1.4 их наядын төсвийн зарцуулалтыг өөрчилж байгаа төсөл танилцуулж, УИХ-д өргөн барьсан. УИХ-ын намрын чуулган ирэх сарын 15-нд нээлтээ хийж энэ оны төсвийн тодотгол болон ирэх оны төсвийн хуулийг батална.
Өдөр ирэх бүр өргөн хэрэглээний барааны үнэ нэмэгдэж, шатахууны хомсдол үүсэж, махны үнэ буухгүй байгаа нь цаашдаа улам хүндрэл дагуулахаар байгаа юм. Тэгвэл Сангийн сайд З.Мэндсайхан төсвийн тасалдлыг оны төгсгөлд орлогоороо нөхнө, дараа жилийн татвараасаа авч хэрэглэхгүй гэсэн байр суурийг илэрхийллээ.
