Монгол Улсын хамгийн халуун цэг болох Өмнөговь аймгийн Ханбогд суманд малчин бүсгүйчүүдийн уулзалт болж “Морьтой монголжин” улсын аварга шалгаруулах тэмцээн болжээ. Тэрхүү уулзалт арга хэмжээ дээр “Үндэсний давхар даатгал” ХК-ийн Гүйцэтгэх захирал Б.Жавхлант Малын индексжүүлсэн даатгал болон малчны гэнэтийн ослын даатгалын талаар тодорхой мэдээлэл өгч, хамтран ажиллав.

Малчин бүсгүйчүүд өөр өөрсдийн сонирхсон асуултандаа хариулт авч, МИД-ын талаарх мэдлэг мэдээллээ нарийн нягталсан уулзалт боллоо.

Харин маргааш нь газар газраас ирсэн морьтой монголжингууд авхаалж самбаа, моринд эрэмгий цог залиараа гайхуулсан хачин гоё өдрийг Ханбогдын салхи шуурган дундуур бүтээж чадав. Монгол бүсгүйчүүдийн гоо үзэсгэлэн, эрэмгий дайчин чанар, монгол морьдын гайхамшиг тодорсон онцгой сайхан өдөр болжээ. Уг арга хэмжээнд 21 аймгийн малчин бүсгүйчүүд ирэх байсан боловч малын гоц халдварт өвчин тархсан баруун бүсийн аймгууд ирж чадаагүй юм. Энэхүү арга хэмжээнд Өмнөговь аймгийн ЗДТГ, Ханбогд сумын ЗДТГ, Практикал Даатгал ХХК, “Морьтой Монголжин” ТББ, Ханбогд сумын “Морьтой Монголжин” ТББ-ынхан хамтран ажиллажээ.