Open iToim app
Спорт | 1 мин уншина

Хоккейн өсвөрийн шигшээ баг хүрэл медаль хүртлээ

Хоккейн өсвөрийн шигшээ баг хүрэл медаль хүртлээ
Нийтэлсэн 1 өдрийн өмнө
Олон улсын шайбтай хоккейн холбооноос зохиож буй өсвөрийн эрэгтэй хоккейн Азийн цомын аварга шалгаруулах тэмцээн дөрөвдүгээр сарын 27-ноос тавдугаар сарын 3-ны хооронд Киргизстаны Бишкек хотод боллоо. Дөрөв дэх удаагаа болж буй энэ удаагийн тэмцээнд Узбекистан, Индонез, Макао, Киргиз, Монгол, Энэтхэг гэсэн зургаан баг өрсөлдсөн.
Ираны шигшээ баг А хэсэгт Макао, Индонезын багуудын хамт өрсөлдөх ёстой байсан ч Ойрх Дорнодын нөхцөл байдлын улмаас Иран оролцох боломжгүй болж, Узбекистан улсын шигшээ баг тэмцээнд оролцсон юм.
Энэхүү тэмцээнд оролцсон манай улсын хоккейн үндэсний шигшээ баг хагас шигшээ тоглолтод Киргизстаны шигшээ багтай өрсөлдөж харамсалтай нь 2:9 оноогоор тоглолт өндөрлөж, ялагдал хүлээсэн. Улмаар Индонез улсын шигшээ багтай хүрэл медалийн төлөө өрсөлдөхөөр болсон юм. Өчигдөр шигшээ тоглолтод шалгаран үлдсэн Индонезын шигшээ багтай өрсөлдөж, 7:2 оноогоор тоглолт өндөрлөж хүрэл медалийн эзэд боллоо.
undefined
Тус тэмцээний шилдэг тоглогчоор хоккейн үндэсний шигшээ багийн 9 дугаартай довтлогч П.Отгон-од шалгарлаа.
Азийн цомын аваргаар Узбекистан баг шалгарч Киргизстаны баг мөнгөн медаль хүртэж, Энэтхэг, Макаогийн шигшээ баг 5, 6-р байр эзэллээ.
Б.Мөнхзул МУБИС-ийг спортын сэтгүүлч мэргэжлээр төгссөн бөгөөд 2026 оноос iToim.mn сайтад ажиллаж байна.
Энэ мэдээнд өгөх таны сэтгэгдэл ?
Like reaction
...
Таалагдсан
Dislike reaction
...
Таалагдаагүй
Agree reaction
...
Зөв өнцөг
Онцлох мэдээ
Сүүлд нэмэгдсэн