БНСУ-ын цахим хэлбэрээр үйл ажиллагаа явуулдаг хамгийн том банк болох KakaoBank дэлхийн тэлэлтийнхээ дараагийн чиглэлээр Монгол Улсыг сонгосноо мэдэгдлээ.

KakaoBank Монголын санхүүгийн байгууллагад өөрийн “KakaoBank Score” нэртэй зээлийн үнэлгээний системийг нэвтрүүлэхээр төлөвлөж байна (систем нь санхүүгийн бус өгөгдөл ашиглан зээлжих чадварыг үнэлдгээрээ онцлогтой). KakaoBank 4-р сарын 3-нд Монголын MCS Group-тэй санамж бичиг байгуулж, M Bank-д стратегийн хөрөнгө оруулалт хийх, орон нутгийн нөхцөлд тохирсон зээлийн онооны загвар хамтран хөгжүүлэхээр болсон байна. Үүнээс гадна тус банк хиймэл оюунд суурилсан “AI-native bank” загварт шилжиж, аппликейшнаа харилцан ярианд суурилсан санхүүгийн туслах болгон хөгжүүлэх зорилт тавьжээ.