UBCab компани дэлхийн дэвшилтэт технологийн шийдлүүдийг үйл ажиллагаандаа өргөн нэвтрүүлж, хэрэглэгчдэд хурдан шуурхай, найдвартай хүргэлтийн үйлчилгээ үзүүлэхээр зорин ажиллаж байна. Одоогоор тус компани 70 мянга гаруй жолоочийн өргөн сүлжээг бүрдүүлээд байгаа нь Улаанбаатар хотын бүх дүүргээр богино хугацаанд хүргэлт хийх боломжийг хангаж буй онцлогтой.

Тус компани хэрэглэгчдэдээ зориулсан UBCab аппын 4.0 хувилбараа амжилттай нэвтрүүлснээр хэрэглэгчдэд хүргэлтийн үйлчилгээг илүү хялбар, ухаалаг ашиглах боломжийг олгож байна. Шинэчлэлийн хүрээнд хүргэлтийн үйлчилгээг илүү ойлгомжтой, хэрэглээнд ойр болгох олон шинэ функц нэмэгджээ.

Хэрэглэгч аппликэйшнд нэвтэрсний дараа “Хүргэлт” цэс рүү орсноор Шуурхай хүргэлт дуудах боломжтой бөгөөд энэ хэсэгт хүргэлтийн бүхий л мэдээллийг нарийн, тодорхой бөглөх боломжтой болжээ.

Сайжруулалтуудаас онцлох зүйлс:

• “Хүргэлт” цэс доторх “Авах хаяг” болон “Хүргэлт нэмэх” сонголтуудаар хаягийн мэдээллийг бүрэн бөглөх шаардлагатай болсон.
• “Ачилтын төрөл” хэсэгт "Авах" болон "Гарж өгөх" сонголтуудаас сонгон ачилтын төрлөө тохируулах боломжтой. Хэрэглэгчийн зүгээс "Гарж өгөх" буюу "Хүргүүлэх зүйлийг жолоочид гаргаж өгөх" шинэ сонголт нэмэгдсэн байна.

• “Ачааны мэдээлэл” хэсэгт хүргэлтийн зүйлээ асуудалгүй хүргүүлэхийн тулд шаардлагатай мэдээллийг бүрэн бөглөөрэй. 

Ачааны төрөл, шаардлагад тохируулан дараах сонголтуудтай болжээ.

• Ачааны хэмжээ: Доорх сонголтуудаас ачааныхаа хэмжээг сонгон тохируулна.

• Буулгалтын төрөл: Оруулж өгөх болон Гаргаж ирж авах сонголтуудаас сонгон хүлээлгэн өгөх төрлөө тохируулах боломжтой. "Гарж ирж авах" буюу "Хүргэлтийн зүйлийг жолоочийн ирсэн байршилд очиж авах " шинэ сонголт нэмэгдсэн байна.

• Даатгал: Энгийн болон Premium сонголтуудаас сонгон ачааны даатгалын төрлөө тохируулна.
• Зураг: Хүргүүлэх эд зүйлийн бүх хэсгийг бүрэн харагдахаар зураг авч оруулах шаардлагатай.
• Хагарах/Эвдрэх зүйлс: Хэрэв таны ачаанд эвдрэх, хагарах эрсдэлтэй зүйл байгаа бол энэ сонголтыг идэвхжүүлж тэмдэглэнэ.

UBCab-ийн шинэчлэгдсэн 4.0 хувилбар нь хүргэлтийн үйл явцыг илүү ойлгомжтой болгож, хүргэлтийн үйлчилгээний стандартыг шинэ түвшинд гаргаж байна. Мөн энэхүү шинэчлэл нь хүргэлтийн үйлчилгээний ил тод байдал, найдвартай байдлыг нэмэгдүүлж, хэрэглэгчдэд илүү ойлгомжтой, хурдан үйлчилгээг хүргэхэд чиглэж байгаа юм.