"UB Palace"-ийг Эрчим хүчний сайд Б.Чойжилсүрэнгийн хамаарал бүхий компани худалдан авсан. Тэгвэл тус барилгыг нурааж, шинэ барилга барих гэж буй. Ямар чиглэлийн барилга барих гэж буй талаар НЗДТГ-аас асуусан ч мэдээлэл өгөөгүй. Тэгвэл Хурд группийн үүсгэн байгуулагч, Эрчим хүчний сайд Б.Чойжилсүрэнгээс "UB Palace"-ийг нурааж оронд нь юу барих гэж байгааг тодрууллаа.

-Таны үүсгэн байгуулсан Хурд группийн охин компани UB Palace-ийн газрыг худалдан авсан талаар мэдээлэл олон нийтэд ил болсон. Та тэнд юу барих вэ?

-Миний үүсгэн байгуулсан Хурд группэд UB Palace-ийг эзэмшиж байсан компани худалдан авах уу гэдэг санал тавьсан юм байна лээ. Тэгээд манай залуучууд худалдаж авсан юм билээ.

-Та энэ газарт юу барих вэ. "UB Palace" Улаанбаатарт байгаа хамгийн олон хүний суудалтай үзвэрийн газар юм байна. Хэрвээ үүнийг буулгавал ийм хэмжээний үзвэрийн газаргүй болох юм байна?

-Мэдэхгүй байна. Залуучууд ямар төлөвлөгөө гаргаж байгааг мэдээгүй. Газрыг нь ямартай ч авчихсан гэдгийг мэдэж байна.

-Нийт ямар хэмжээтэй газрын тухай ярьж байгаа вэ?

-Ямар ч байсан худалдаж авсан. Одоо хэрхэн хөгжүүлэхээ шийдээгүй байгаа юм байна.