Өмгөөлөгч Г.Батбаяр сураггүй алга болсон гэх мэдээлэл олон нийтийн сүлжээгээр цацагдаж, цагдаагийн байгууллагаас хайж байгаа гэдгийг мэдээллээд байсан билээ. Тэгвэл түүнийг нас барсан байдалтайгаар олжээ.

Тодруулбал, Цагдаагийн байгууллагад өчигдөр өдөр иргэн Н-аас өөрийн төрсөн ах Б-г оршин суух хаягандаа ирээгүй тул эрэн сурвалжлуулах талаар өргөдөл гаргасан байна.

Өргөдлийн дагуу цагдаагийн байгууллагаас тухайн иргэнийг олж тогтоох чиглэлээр шуурхай эрэн сурвалжлах ажлыг зохион байгуулахад Хан-Уул дүүргийн 22 дугаар хорооны нутаг дэвсгэрт байрлах "Богд хаан" амралтын газрын автомашины зогсоолд байрлуулсан автомашинд нас барсан байдалтай олдсон тул мөрдөн шалгах ажиллагааг үргэлжлүүлэн явуулж байна.