АНУ-ын Төрийн нарийн бичгийн дарга асан Хенри Киссинжер пүрэв гарагт өгсөн ярилцлагадаа АНУ, Хятад улсууд одоогийн бодлогоо үргэлжлүүлбэл цэргийн сөргөлдөөнд орж болзошгүй гэж анхааруулжээ. 1970-аад оны үед Хятад-Америкийн хямралыг намжаасан гэж олон нийтэд хүлээн зөвшөөрөгдсөн төрийн зүтгэлтэн асан Блүүмбергт өгсөн ярилцлагадаа “Хятад улс ойрын ирээдүйд Тайванийг эргүүлэн авах оролдлого хийх болов уу” гэсэн асуултад "Харилцааны өнөөгийн чиг хандлагаас харахад цэргийн мөргөлдөөн гарах магадлалтай гэж би бодож байна" гэжээ.
Тэрээр хэлэхдээ, хоёр улсын харилцаа өвөрмөц нөхцөл байдалд хүрлээ. Хятадад хамгийн том аюул заналхийлж буй зүйл нь Америк, АНУ-д ч мөн адил" гэсэн байна. Киссинжер "Харилцааны одоогийн замыг өөрчлөх ёстой" гэж онцлоод, хоёр тал хурцадмал байдлыг намжаахыг эрмэлзэж байгааг онцолжээ. Гэсэн хэдий ч тэрээр АНУ, Хятад хоёр орны хурцадмал байдлыг намжааж чадах эсэх нь маргаантай байна гэжээ.
АНУ-ын Төрийн нарийн бичгийн дарга Антони Блинкений Хятадад айлчлах гэж байгаа бөгөөд Вашингтоны хэлснээр, хоёр тал харилцааны нээлттэй шугамыг хадгалахын ач холбогдлын талаар мөн хоёр талын анхаарал татсан хэд хэдэн асуудлыг хэлэлцэхийг зорьж байгаа аж. Энэхүү чухал аялал нь БНХАУ-ын Тайваньтай харилцах харилцаа хамгийн доод цэгт хүрээд байгаа үед тохиож байгаа юм. Хятад улс тус арлыг тусгаар тогтносон нутаг дэвсгэрийнхээ нэг хэсэг гэж үздэг бөгөөд Тайбэй Америкийн цэргийн техник худалдаж авсанд эгдүүцэж байна. Хятадын өндөр албан тушаалтнууд Тайваньтай тайван замаар нэгдэхийг илүүд үзнэ гэж удаа дараа мэдэгдсэн ч энэ зорилгодоо хүрэхийн тулд хүч хэрэглэхийг үгүйсгээгүй.
