Монгол Улсын Их сургуулийн удирдах зөвлөл хоёрдугаар сард хуралдаж, сургалт үйлчилгээ болон дотуур байрны төлбөрөө нэмсэн байна.

МУИС өмнө нь сургалтын төлбөрөө нэмэх шаардлагатай гэдгээ илэрхийлж байсан ч цар тахлын улмаас өрхийн эдийн засаг хүндрэлтэй байна гэх эсэргүүцэлтэй тулгарч байсан юм. Тэгвэл ирэх намраас МУИС-ийн оюутнууд сургалтын төлбөрөө дараах хүснэгтэд зааснаар төлнө.

2022 оны байдлаар МУИС-ийн ерөнхий суурийн хичээлийн төлбөр нэг багц цаг нь 98600, мэргэжлийн хичээлийн төлбөр 100-120 мянга байсан. Харин одоогийн нэмэгдлээр ерөнхий суурийн хичээлийн төлбөр нэг багц цаг нь 123300, мэргэжлийн хичээлийн төлбөр 119-136 мянга болон нэмэгдэж байгаа юм байна. Мөн дотуур байрны төлбөр тухайн байрнаасаа хамааран жилийн 700 мянга орчим байсан бол одоогийн нэмэгдлээр 900 мянга орчим болж байгаа аж.